आ.व. २०८१/०८२ को वाग्मती प्रदेश स्तरीय उत्कृष्ठ सामुदायिक वन छनौट गरी पठाउने सम्बन्धी यस निर्देशनालयको मिति २०८१/११/९ को च.नं. ५३२ को पत्र

संघीय लोकतान्त्रिक गणतन्त्र नेपालको संविधान (बि.सं. २०७२) बमोजिम राज्य संचालन संघ, प्रदेश र स्थानीय तहबाट हुनेगरी राज्यशक्त्तिको बाँडफाँड भए अनुसार राज्यको पुनर्संरचना भएकोले बागमती (३ नं.) प्रदेश सरकार अन्तर्गत वन तथा वातावरण मन्त्रालय (तत्कालीन उद्योग, पर्यटन, वन तथा वातावरण मन्त्रालय) स्थापना भए पश्चात उक्त मन्त्रालय मातहत हुने गरी वन निर्देशनालय, बागमती, हेटौँडाको स्थापना भएको हो । डिभिजन वन कार्यालय र भू तथा जलाधार व्यवस्थापन कार्यालयहरुसँग समन्वयकारी भूमिका निर्वाह गर्न तथा अनुगमन गरी पृष्ठपोषण प्रदान गर्ने यस वन निर्देशनालयको उद्देश्य रहेको छ । बागमती प्रदेश, वन तथा वातावरण मन्त्रालय मातहत रहने निकायहरुको बिस्तृत संगठन तथा व्यवस्थापन सर्भेक्षण प्रतिवेदन, २०८० को दफा २.२ अनुसार यस वन निर्देशनालयमा प्रदेश वन निर्देशक मातहत रहने गरी जैविक विविधता संरक्षण तथा वातावरण शाखा, वन व्यवस्थापन तथा सूचना शाखा, योजना तथा अनुगमन शाखा, जलाधार व्यवस्थापन तथा समन्वय शाखा, वन पैदावार सदुपयोग तथा वन उद्यम बिकास शाखा र कर्मचारी तथा आर्थिक प्रशासन गरी कुल ६ (छ) शाखा अन्तर्गत कूल कर्मचारी दरबन्दी संख्या २७ (सत्ताईस) रहेको छ । साथै बागमती प्रदेश अन्तर्गत यस वन निर्देशनालय मातहत १३ जिल्लामा गरी १५ वटा डिभिजन वन कार्यालय र ७ वटा भू तथा जलाधार व्यवस्थापन कार्यालयहरू सञ्चालनमा रही नागरिकलाई सेवा प्रदान गरिरहेका छन् ।